रवि लामिछानेलाई धरौटीमा रिहा गर्न अदालतको आदेश
सूर्यदर्शन सहकारी ठगी मुद्दामा रास्वपा सभापति रवि लामिछानेलाई धरौटीमा रिहा गर्न अदालतले आदेश दिएको छ ।
जिल्ला अदालत कास्कीका न्यायाधीश नीतिज राईको एकल इजलासले बिहीबार सो आदेश दिएको सूचना अधिकारी सुरज अधिकारीले जानकारी दिए । लामिछानेसँग ६५ लाख धरौटी माग गरिएको छ ।
अब पूर्वगृहमन्त्रीसमेत रहेका लामिछानेले अदालतले तोकेको धरौटी बुझाएर तारेखमा रही मुद्दाको पुर्पक्ष गर्नेछन् ।
बिहीबार मात्रै सो मुद्दामा थुनछेक बहस सकिएको थियो ।
लामिछानेमाथि सम्पत्ति शुद्धीकरणमा २७ करोड ८९ लाख ४४ हजार सात सय रुपैयाँ बिगो दाबीसहित मुद्दा दर्ता गरिएको थियो ।
लामिछानेमाथि सहकारी ठगीसँगै सङ्गठित अपराध र सम्पत्ति शुद्धीकरण कसुरमा समेत मुद्दा छ ।
सहकारीको रकम गोर्खा मिडिया नेटवर्क प्रालिमा लगेर अपचलन गरेको आरोपमा रवि लामिछाने गत कात्तिक २ गते केन्द्रीय कार्यालयबाटै पक्राउ परेका थिए ।
एजेन्सी
_TJsDPMZQnt_iyqttwqi6hdl8p9cedbgsggprgmikf5lymrpt7xnabk5zrs2z5aau5uammgo_jtcSMZYjh2_u35mpufqcooqxnej83esbmiuijsgrdmyjr82hzuf5yotmzboei3mvijqkumh.jpg.370x245_q70_crop.jpg)
Comments